quarta-feira, 9 de janeiro de 2008

Tiu Alfredo



Alfredo Ventura fui un de ls grandes homes de la Tierra de Miranda. Carpinteiro de oufício, fazedor de pandeiros i músico.
Toda la bida fiç parte de l "GRUPO" cumo le chamaban an Dues Eigreijas l "Grupo Folclório Mirandês Pauliteiros de Miranda", adonde el tocaba la caixa.
Ls pandeiros ousados pulas cantadeiras de l grupo eran feitos por el.
Ousaba ripas que le iban sobrando de ls trabalhos, pieles que el curtíe para poner a la caixa, i an drento de ls pandeiros punie-le cuordas q'el fazíe de tripa de chibo, filos, guizos, garbanços, i cousas mais.
Cun este blog, quiero dibulgar un strumento que la sue fazedura stubo stinta durante alredor de trés décadas, houmenagiar alguns de ls músicos que aparcírun por estas tierras i dar-bos cuonta de l stado an que stá la feitura de alguns strumentos musicales an special las pequeinhas percussones.

1 comentário:

Anónimo disse...

Foi este grande senhor: Tiu Ventura, que há mais de vinte anos me ensinou a tocar a caixa, para acompanhar a romaria "de Nosso Senhor dos Passos" que bienalmente ocorre por terras de Duas Igrejas

Parabens Paulo pelo excelente trabalho que tens desenvolvido, na preservação das nossas raizes.

M Raimundo